Ayiti : Yon ouvèti lekòl an boulatcha!

Yon tèks Ernest Saintilus

Madi 5 septanm 2017 (nouvelpam.com).- Petèt si wap viv nan peyi letranje ou pap viv nivo mizè nwa pèp ayisyen an jodia, men zanmi-m ki nan dyaspora ayisyen an nan nenpòt ki peyi mw vle di ou ke sitiyasyon an pa bon ditou. Zanmi pa koute moun kap peye Oganizasyon oubyen media pou di bagay yo chanje. Si ta gen yon chanjman positif se gwoup moun anlè, dechèpiyè yo ki benefisye-l.

Mas pèp la se grangou, chèrte la vi et chomaj li jwenn.
Map mande sa moun yo fè yap peye?
Monchè bagay yo vin pi grav pou epôk ouvèti lekòl la.
Konsta mw fè nan tout la ri ou tande paran ap plenyen.

Dayè lundi 04 Septanm lan leta di ofisyèlman ane lekôl la louvri se kèk grenn timoun ki te ale lekôl aloske leta lanse mesaj sansibilizasyon pou te di moun yo voye timoun yo depi nan premye jou.
Li pa menm konprann nivo mizè moun yo.
Me kôman yap fè paran yo vomi lajan :an mwayèn yon liv lekol koute 500 goud, wa miltipliye-l pa 15 si elev la ta pote ti kantite liv sa. Yon soulye lekòl se 2000 goud, yon valizt se 2500 à 3000 goud, twal ak koud inifôm trè chè , chosèt, ruban, mayo, chemizèt tout sa yo majorite lekôl yo vann yo a pri ke paran an dwe fè sakrifis pou peye. Tout sa san konte frè ak ekolaj yo ki ro anpil se komsi se nan inivèsite timoun nan ye.
Bagay yo rèd anpil!
Gade, si yon jou ou tande pèp ayisyen an leve kanpe pou mande bonjan kondisyon lavi ou pa bezwen etone.
Gen moun ki pral bay yo tout kalifikatif tankou rebèl vakabon, bandi. Mw di ou sa se pouw pa soutni moun ki pral fè sa.

Neg sa yo ki kenbe pep la nan mizè nwa sa se yo menm ki dwe pote tout kalifikatif sa yo.

Monchè mw ta swete kek lè ou fè yon ti vini an ayiti pou wè sam di-a.

Antouka ou menm kontinye sipôte nan fason kapab sa ki an ayiti yo.

Ernest Saintilus / kap ayisyen

Publicités

About Nouvel Pam

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *