Woy! Menm Eric Jean-Baptiste al Chili!

Jedi 31 out 2017 (nouvelpam.com).- Ansyen kandida alaprezidans, Eric Jean-Baptiste ki gen ti non jwèt li « Pè Letenèl » te fè yon pase nan peyi Chili soti 24 pou rive 29 out 2017.

Nan kad vwayaj sa, Eric Jean Baptiste ki se premye lidè politik ki pran desizyon sa, te ak yon delegasyon ki gen ladan l jounalis , ekonomis ak sitwayen ki angaje nan lavi sosyal ak politik peyi ya.

Pwopriyetè biznis bòlèt Pè Letènèl la eksplike li fè vwayaj sa pou li ka al pran enfòmasyon nan bon ti manmit sou jan konpatriyòt li yo ap viv apre yo kouri kite Ayiti pou lamizè, chomaj ak ensekirite. Li te pwofite tou gade ki bon fason li ta ka mete yon biwo asistans legal ke fondasyon li an ta ka finanse pou ede Ayisyen sa yo ki nan peyi Chili.

Apre li te fin chita pale ak minis konseye Carl Benny Raymond nan anbasad ayisyen an sou kòman akèy ak entegrasyon ayisyen yo fèt, Eric Jean Baptiste te fè rankont ak òganizasyon ayisyèn yo ki te pwofite ekspoze pwoblèm yap konfwonte nan peyi Amerik Latin sa.
Li te chita tou ak  lidè relijye ayisyen yo nan e li te menm patisipe nan reyinyon legliz kominote ayisyèn nan Quilicura, san konte vizit li nan estasyon santral yon mache kote Ayisyen ap vann nan Santiago Chili.
Nan yon nòt li te distribye bay laprès, ansyen kandida alaprezidans la, deklare : « Ayiti sou wout poul vini chanpyon nan kontinan ameriken yan, nan zafè moun kap kouri kite peyi yo . Nan kèk lòt peyi ki gen menm pwoblèm sa a, gen lagè kap fè raj . Pa bò isit , bonb pa nou , kout zam otomatik pa nou, fèt an silans nan konplisite pi fò sosyete, se enkonpetans, mank vizyon ak koripsyon ki se yon kangrenn kap taye banda ki fè mizè ya vin pi di chak jou pi plis ».

 

 

L’image contient peut-être : 1 personne, assis

L’image contient peut-être : 1 personne, assis et intérieur

L’image contient peut-être : 10 personnes, personnes souriantes, foule

L’image contient peut-être : 1 personne, barbe et plein air

Publicités

About Nouvel Pam

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *