Mèt Elco Saint Amand : Ayisyen, an nou angaje nou pou tout bon!

Madi 6 jen 2017 (nouvelpam.com).- Ayiti se yon peyi kote yo gaspiye lavi moun tout jan:
Lè yo pa touye w yo kidnape w
Lè yo pa vyole w yo déchèpiye w
Lè yo pa ka touye w yo fòse w kite peyi a…

Eske nou ka kontinye viv tankou se yon bann bèt kap viv nan yon pak – se yon peyi nou genyen nou dwe fè menm jan tout lòt peyi fè li deja : mete tèt nou ansanm pou nou òganize Ayiti…

Nan peyi dAyiti pa gen moun ki alabri menm lè nou pi fò nan fè montaj…

Nou paka kité yon bann vagabon ap deside sou lavi nou ak pitit nou – nou toujou gen tandans di ke se pa nou ak pitit nou sa rive men san nou pa panse yon jou ak lè nou viktim pap gen okenn moun ki pou kanpe pou nou….

Ann tann! Nou wè jan Préval mouri, sa vle di ke lè w c chèf ou dwe òganize peyi w pou w pa pran lanmò kabrit.

Fòk nou sispann pran peyi lòt moun kòm peyi pa nou kote nou voye pitit nou al lekòl paske nou kraze lekòl lakay nou – fòk nou sispann voye madanm nou al viv nan peyi blan pandanstan nou rete Ayiti pou nou ka dechèpiye li…. Nap viv nan meli melo: fanm pa bò isit ap jwi, gason bò lòt bò ap gaspiye.

Jodi à lè a grav nou paka chita nap plenyen nan radyo ak sou rezo sosyal ann nou mété tèt nou ansanm pou nou di non ak tout salopri sa yo kap fè ak defè nan peyi a!

Sa se rèl yon sitwayen angaje!

Mèt Elco Saint-Amand

Publicités

About Nouvel Pam

One thought on “Mèt Elco Saint Amand : Ayisyen, an nou angaje nou pou tout bon!

  1. lap difisil pou chanjman fet nan nou ayisyen lap anko pi difisil paske denye moman sa yo se lajan kap fe aktialitte. nou rantre nan 1 sistem fo kapitalist ki marye ak 1 fo demokrasi kap tj akouche sou devlopman . egoyis ak trayizan se deviz yo map made eske la mize nan baz tout kalte defo nou konen nan la vi peyi nou?

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *