Delmondo Charlemagne : Jovenel Moise, yon prezidan chowòf?

Ekizem si mo m yo pike men gen kèk konpòtman ki mande denonse, èske nou janm wè Antrenè a moute tèren pou ranplase jwè yo menmsi ekip la ap mal jwe? Mwen konstate Prezidan an pa konn wòl li oubyen li vle montre se li sèl k’ap travay.

Nan dossye karavàn sa , ou ta di, se Jovenel ki minis agrikilti, m pa kwè , nou konnen non minis lan , li ta sipoze Nan bouch tout moun Nan moman sa akoz dosye karavàn sa.
Nan dosye imigrasyon, ou ta di, se li ki Direktè Imigrasyon.
Men wikenn sa ankò, li Tigwav, li vizite Rivyè , la, li jwe wòl minis Anviwonnman / Travo piblik.

Gen abolotyo k’ap di, Prezidan ap travay,poutan pa gen anyen serye k’ap regle, nou tout konstate sa. Fòk Prezidan konnen kanpay fini , se aksyon ki pou fèt!

Fè mesaj sa rive pou mwen : di Prezidan an, se pa moman pou l chèche fè vedèt, fè moun wèl, kite Premye minis lan ak ekip li fè travay yo . Epi dil tou, sispann gaspiye lajan leta a, pil ak pakèt deplasman chowòf sa yo koute leta anpil kòb, per diem , gaz, elatriye…

Mèsi.

Delmondo Charlemagne
Orlando / USA
9 jen 2017

Publicités

About Nouvel Pam

3 thoughts on “Delmondo Charlemagne : Jovenel Moise, yon prezidan chowòf?

  1. Peyi a sot pase 30 tan NAN LIB, li gen Anpil Chans poul rete nan menm Chimen an sou Administrasyon Jovenel Moise la. Wi, mwen Dako, menmsi yon Ekip ap mal jwe, antrene a paka monte sou terren an poul ranplase jwe’ yo. Men nan Foutbol politik sa a, eske Jovenel Moise gen lot Chwa. Mwen ta mande w de ki Ekip wap pale ak ki Plan pou l jete Baz yon LETA, kote marassa Aristide-Preval, Martelly te Echwe? Wa fem tande w,

  2. Ak fòs aparans sipèfisyèl, lap prepare pwochen “eleksyon” malatchong la pou 2022. Estrateji fòs fè nwa yo se fè yon ofansif psikolojik nan sichik mas yo kote yo pran pòz yap fè yon bagay epi yo pap fè anyen vre. SE GWO BRI TI SAPAT! Ou pa ka di ou gen yon premye minis ki pase devan yon “paleman” kote li fè yon bann ak yon pakèt pwomès nan “politik jeneral” li epi ou refize ba li espas pou aplike “politik jeneral” la. Kesyon “karavan chanjman” pat janm pale nan kanpay elektoral la, li pat janm pale nan “politik jeneral” premye minis la te prezante devan “paleman” an. Epi brik sou kou, ou parèt ak yon “karavan chanjman” san pye ni tèt nan figi moun konsa. Ositou, ou annik eklipse travay ni premye minis, ni minis tout kalite yo, ni direktè jeneral yo; ou eklipse tout moun pou w parèt kòm sèl vedèt sou teren an. SA SE YON PRATIK ABOLOTCHO!

    Wap gaspiye yon pakèt resous leta, kowonp tout enstitisyon leta yo, pa ekzanp primati a li menm puiske ou gen yon bann moun kap touché lajan leta san yo pap fè travay leta vre, ansuit paleman an ke wap grese pat yo pou yo vote de lwa makyavèl pou ou, ba w kontwòl UCREF, yon enstitisyon ki sipoze endepandan e ki deja enkrimine w nan yon zafè blanchiman lajan. E pa bliye nan kanpay ou, ou te di menm nan tout laprès ou “respekte enstitisyon peyi w.” Tantativ ou pou pran kontwòl UCREF la depaman a respè enstitisyon peyi a.

    Konsa, tout sektè, tout segman, tout klas sosyal yo nan popilasyon an dwe vini ak pwòp revandikasyon yo de fason konkrè sou teren an, sou beton an menm pou yo pa pran nan blòf “karavan chanjman” “prezidan” bann machwa a ap parade nan tout peyi a.

  3. Jeune homme ou gen rezon ou. Ou pa wè menm majistra yo se Jovenel y’ap tanm pou yo netwaye vil yo. Pa gen moun ki angaje vrèman pou yo fè travay yo.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *